This topic has 11 replies, 8 voices, and was last updated 19 years, 9 months ago by 
.
- Posts
節目：大歡喜盤菜 + B仔涼粉 + 交換禮物
同以往幾年既站聚有少少唔同，今年大多數出席人仕都係名花有主或名草有主…
多得bignosebb板主攜同兩位靚女出席，令是次聚會生色不少 
今次出席人數計有11位，包括我，TinyStar，小仲，reen，bignosebb加兩位靚女，藍梅，eva，班紋，同特別神秘嘉賓，由澳洲遠道回來既維維，久別重逢，非常難得
大歡喜今年既盤菜水準有進步，食物賣相同質數都非常之好，價錢相宜，一盤大盤菜，11個人都食唔晒，認真抵食！
席間小仲更發揮其吃喝玩樂板板主本色，一語道破電視播緊既瑞士雞翼既由來，真係冇失威
最後交換禮物，bb真係有緣人，連續兩年抽到winnie the poon碗筷套裝，再抽幾次我諗可以儲齊一set六件，囉黎宴客都得囉
我見小仲抽到朱古力，不知幾羡慕，好在，我個份都係朱古力，嘿嘿~ 食晒囉！
然後就去B仔涼粉食甜品，個榴槤pan cake真係好勁，臭到..
我好多生果唔食，好在有海底椰係我食既，不過個度杏仁豆腐麻麻地，下次都係叫豆花…最搞鬼係雪糕冇得揀咩野味，但係佢地又講唔出會有咩野味
個晚食得好開心，又見到咁多位好耐冇見同從未見過既朋友，多謝各位參與！一於新年站聚再見啦！
放左幾日假，今日卒之可以正式上網，講講站聚總結先。
在下身為搞手，感想遲到，真係唔好意思。是次站聚一大特色係嘉賓比例竟然達四成 (其實係原本報名人數不高姐~ 哈~)，
好彩預先訂製之細盤菜可以臨時改大，否則非以炒粉麵飯善後不可；
不過嘉賓們位位地位超然、份量十足亦早有準備 (要交換禮物嘛~)，
故著實為當晚平添無數色彩。是晚主打之盤質素上佳，正如站長企理所言，賣相吸引之餘，
味道適中、肥而不膩日、口感十足，而取價亦見公道，
實在是值得向各位推薦之傳統美食。(當晚之盤菜可參考附圖)
經過團員們約一小時沖廁後….. sorry！係\”衝刺\”至0岩！
火爐上已然奄奄一息之盤菜已所剩無幾 (估唔到個個都冇減肥意欲)，
正好代表，一年一度交換禮物儀式將要立即舉行。如往年般，各團員精心準備禮物，內有上磅率奇高之朱古力，
亦有在下年年抽中之碗筷套裝，也有常客公仔、咕0臣等，
稍為另類的是高級匙包和筆插及開信刀。
當各團員都各自抽到心頭所好後，意猶未盡，
大夥兒走往隔離搵呀 B 仔 (B 仔涼粉)。糖水甜品各色其色式，自由發揮，但最令全場震撼嘩然的，
竟然是一碟小小榴槤 pan cake…..
真是「食者知味，聞者塞鼻」…..哈哈~
經過整整一晚盡興，團員們人人捧著肚、舔著咀、掩著鼻，
正式為是次站聚畫上了完滿的句號。
感謝各有份參與之站長站友們於百忙中抽空出席，
亦代表本站對各位長久以來的支持表示致意！希望不久將來能再為各站友們提供貼文討論以外的歡娛聚會！
You must be logged in to reply to this topic.
