This topic has 2 replies, 2 voices, and was last updated 9 years, 8 months ago by 
.
- Posts
尋日同朋友去佐敦牛屋餐廳食午飯, 我1:05先到, 朋友1:10後到, 朋友一坐低餐牌都未睇侍應就問我哋飲咩湯(唔係趕得咁緊要呀？), 朋友都未睇清想要咩餐就叫我哋落ORDER。
到食完嘢, 正常咁點餐飲, 啱啱嚟咗兩杯嘢飲唔夠一個字(飲咗兩啖咋)侍應就擺張單埋嚟話「埋咗單先」, 冇嘢呀？我啜咗兩啖就叫人埋單, 跟住我同朋友唔理佢一邊傾一邊飲嘢, 又係唔夠一個字侍應用啲好唔耐煩既語氣同我哋講「埋咗張單先, 出面有人等緊位。」, 咩態度, 驚我哋唔俾錢呀？洗唔洗咁趕客呀？由入去開始啲態度已經差到不得了, 依家仲趕我哋走, 走果陣都係1:50咋。
仲有仲有, 佢哋未問清楚我哋願唔願意俾貪我哋貼士。
我要的餐$48+凍飲$3+10%服務費=$56.10, 朋友要的$37+10%服務費=$40.70, 兩樣加埋都只係$96.80, 理應係找$3俾我哋, 但佢張單寫$100。問題係佢已經加10%服務費, 又要受佢啲咁差劣既態度同服務, 依家仲貪埋我哋果$3。X(
就這次事情，我登入openrice作出這事給予這間食店評語，openrice他們先審核後回覆我：
您好，lwhite：
首先感謝閣下對本網的支持，可惜閣下在2013/9/10 16:04:51給牛屋餐廳酒吧提交的食評「趕客貪小便宜餐廳 」暫時未能被刊登，我們就此有以下建議：
我們建議閣下更多有關食物的味道或賣相等的描述，如閣下只希望分享是次用餐經驗的服務或環境等，請選擇以非食評方式提交有關食評。但由於非食評並沒有笑臉或喊臉評分，為增加食評對別人的參考性，我們建議閣下加入更多有關食物的描述，使其他用戶都能夠清晰了解閣下想分享的經驗
由於食評含嚴重指控 / 投訴(咩態度, 驚我哋唔俾錢呀？洗唔洗咁趕客呀？由入去開始啲態度已經差到不得了, 依家仲趕我哋走, 走果陣都係1:50咋)，所以我們必須提醒閣下需要承擔因食評內容失實而導致的任何法律責任。請回覆此電郵或登入帳戶再次提交食評以確認食評內容完全屬實。
我們鼓勵閣下修改食評後再次提交。是次食評已另存為稿件，請點擊以下鏈接或登錄我的OpenRice編輯食評。但請注意，30天內未被編輯的食評將自動刪除。如有問題，請再與本網聯系。我沒有作任何修改，並不打算公開評論，並且已自行刪掉這篇文章。
我本意只想給該店知道，希望他們能夠修正，但是openeice的要並不是我的本意，所以我另找別處作出投訴。
跟另一朋友說，他以為我只是說笑，不是真的投訴，有些時候應該出言提點，若然我不告訴他是那一間食店，他正正是我之後不知第幾名食客受同樣對待，你知道我是前人者，即時反應會不會怪我不告訴你嗎？
You must be logged in to reply to this topic.
