我終於都睇左無間道了….毫無疑問是一部好片..
可惜…
曾志偉條命叫…..一將巧成萬骨枯…
未功成就自己枯左…
尹志強角色成日懵丙扮高層…毫無說服力..
仲有..記得劉德華同梁朝偉晌天台講數果下…
劉： 「哈哈~ 點解你o的臥底咁鍾意0係天台見面o架?」
我覺得唔知導演定編劇玩野…..咁就唔好安排o的人晌天台啦
又要借華仔把口串番轉頭….
黃秋生送手錶梁朝偉果下又極似抄「辣手神探」
陳欣健送火機俾偉仔……..似到不得了.
不過黃秋生就仲口臭….二五仔..二五仔咁嗌梁朝偉…
林家棟冇啦啦話自己 94 年入警隊…又會知道 92 年入警隊的
華仔身份….
開波無耐黎一場兩個臥底鬥法….
摩司密碼 vs sms
呢場就比較有迫力，但林家棟冇啦啦電話晌仲要講埋條 channel 出黎都冇人起佢底…同埋都唔知佢同邊個講緊野…
Last 一幕… Kelly 講左句 ：「你好嗎？警察。」
我有少少頂唔順……..好格硬黎..
但成套戲最深刻的一句就係秋生同志偉晌差館對話..
「琛哥，唔好意思累你跌左幾千蚊…」
跟住就見志偉眼神一閃..隨即將檯面的飯菜全掃落地…
好狠….差館好似自己屋企一樣…完全唔放秋生入眼內..
到最後..黃秋生起身同志偉握手…
志偉冷冷地講左一句：「你幾時見過人地去送殯會同條屍體握手的？」
嘩~~~~ 霸氣十足…
傻強…(杜文澤)是最努力的演員..演得好好..僅次於影帝黃秋生
而已，華仔內心戲不是太有代入感….梁朝偉一度板斧….
迷人眼神就掂晒了…..鄭秀文….性格飄忽…演作家真係好牽強..
只係數送去華仔屋企o的盒幾多個都搞幾次…傻下傻下咁…
直到發現華仔秘密,,又好感性咁懶係要同佢買早餐….
Kelly 可有可冇….格硬加個女仔俾梁朝偉咁….
蕭亞軒在開場的字幕寫住\”特別介紹\”..
都唔知有咩咁特別………….戲份又少….
不過講到尾…..整套戲都可算係 2002 年港產片少有的佳作了…
懂得放手的人，才會得到快樂。
