Re: 無間道

[匿名用戶]

係喎，我篤極都篤唔到I love u出o黎，除非刮落個檯面度啦！真係唔明點解阿偉仔又篤到俾阿黃sir知轉o左交易地點，o個個所謂高科技偷聽器又淨係收到篤篤聲，收唔到D風聲車聲同阿曾志偉把聲喎，真係吹脹。最攪笑都係阿黃sir又要收埋隻手響個籮柚後面了下了下，佢要了俾邊個聽？唔通用摩斯密碼話俾自己柯C o個度知？佢唔係應該抄低d摩斯密碼再翻譯咩？摩斯密碼係用英文o黎個喎，阿黃sir仲要一字不漏咁由英文了成廣東話，\”轉o左地點去龍鼓灘\”，點了啊大佬？？？了\”location changed to lung koo tan\” 定了\”jun jor day dim hui lung koo tan\”？？而家玩緊ICQ咩大佬？？唔通佢地用中文版摩斯密碼–柯屎密碼？？最抵死係阿黃sir唔知為o左乜了下了下咁就俾華仔發現o左佢同人聯絡緊，攪到成個行動失敗o左，仲要鬧人。。。。(待續)