夢想/理想既野，最緊要係決心同堅持囉，當然唔可以太過不切實際啦，有人想做作家寫書向世人抒發感情，有人想做飛機師飛上天空，有人想做甜品師傅為心愛既人做甜品，呢的都係可以實現既理想，亦唔駛好多錢既.. 如果夢想係「成為億萬富豪」，咁就真係「夢」囉，但係都未必唔得既，只要發緊夢個陣努力為自己定立目標，都未必無望。好似早幾年，邊有人估到廿幾歲人就可以做上市公司主席丫，我識有的人真係靠一個浪，咁就刮到一大筆，就算公司執左，都已經賺左資本可以去搞其他野喇… 點解佢地得呢，咪就係再早幾年佢地肯捱肯搏肯堅持，時勢黎到已經儲夠些少資本同足夠人脈，又夠膽搏囉。
