想用錢去買尊嚴呢樣野已經係一件非常冇尊嚴既事。
錢只可以買到擦鞋仔，要人尊重尊敬，首先自己要有值得人尊重/尊敬既地方。就算你好有錢唔駛打工咁又點？如果根本冇才能去管理一間公司，唔通下屬會覺得你好威好尊敬你？如果全公司都覺得老闆無能蝕大本，係咪加佢地三倍人工佢地就會尊敬老闆？佢地只會覺得老闆更加白痴。
如果一個冇乜錢既人係公司好有才幹，但係老闆唔鍾意佢，俾面色佢睇，係咪代表佢冇尊嚴呢？唔係。如果老闆唔賞識佢，係老闆無能，大部份同事都會因為佢既才幹而尊重佢，要人尊重，要有尊嚴，根本同錢無關，只係睇你自己。
